Where you there?
Were you there when they crucified my Lord?
Were you there when they laid him in the tomb?
Were you there when the stone was rolled away?
Kjære Jesus.
Då du hengte på korset, tenkte du på meg då?
Tenkte du på meg då du kasta deg i Gud Faders favn og sa:
”Eg gjev meg over til deg, Far?”
Då du tok all verdens synd og skam, tenkte du på mitt liv då?
Du måtte jo dø der, då du kom til Gud Fader med all verdens synd,
og med mi synd.
Eg trur at du tenkte på meg då.
Og då du steig ut av grava, tenkte du:
”Her er eg,
levande,
eg har vunne siger.
Kom, Ottar, overlat ditt liv til meg.
Nå kan eg gå med deg i livet.
Eg har sona alt for deg.
Tatt di synd, skam, elendighet, dine ureine tankar,
dine kvasse og sårande ord,
din stolthet, misunnelse, ulydighet.
Eg hadde det med meg på korset,
derfor måtte eg dø.
Du skal få leva.
Eg skal gå med deg i livet ditt.
Tett attmed deg, hjelpa deg,
gje deg det du treng for kvar dag.
Halda deg i handa.
Kom med livet ditt til meg, så går me i lag!”
Takk Jesus!
Eg er glad eg var med der på Golgata.
Og i hagen då du stod opp av grava.
Det var meg du såg etter då du kom ut or grava.
Det er meg du ser etter i dag for å visa at du lever.
Og så har vi noko ilag:
Du har bilde av meg i di hand.
Du har sagt at du har teikna meg i dine hender,
og når eg kjem til Himmelen ein dag, vil eg sjå i handa di,
sjå korleis eg ser ut for deg, i ditt auga.
Dei hendene du sikkert ofte legg opp til hjarta ditt,
der har du bilde av meg, og eg ligg ved ditt hjarta.
Det gjer meg glad når eg strevar her i livet mitt,
du har bilde av meg, heilt inn til ditt hjarta.
Då veit eg at du hugsar meg og held meg endå fastare i handa.
Det ville eg sei takk for i dag.
Det gjer meg trygg.
Takk Jesus!
Helsing Ottar
Send på epost til en venn